“ძალადობა მიუღებელია, ადამიანების სიძულვილი ასევე მიუღებელია, მაგრამ ჩვენ გვავიწყდება ერთი რამ, სად გადის ზღვარი გამოხატვის თავისუფლებასა და აღვირახსნილობის პროპაგანდას შორის. ასევე სამწუხაროდ ჩვენ ვერ ვხედავთ ხოლმე ზღვარს ცოდვის ზიზღსა და ადამიანების ზიზღს შორის. აქციის მონაწილეების აბსოლუტური უმრავლესობისგან ადამიანების ზიზღის გამოხატულება არ გაჟღერებულა, აქ იყო მათი პროპაგანდის მიმართ წინააღმდეგობა.

აქცია არ ყოფილა ეკლესიის ორგანიზებული, უბრალოდ სასულიერო პირები დადგნენ მრევლთან ერთად, რომ დაეცვათ საზოგადოება იმ დაპირისპირებისაგან რაც მოხდა. შეიძლება უარესიც მომხდარიყო რომ არ ყოფილიყო სამართალდამცავების კარგი ჩარევა და სასულიერო პირების კარგი ჩარევა”, – განაცხადა ლაშა ჟვანიამ ტელეკომპანია “რუსთავი 2”–ზე გადაცემა “პოზიციაში”.