ევამ სახლის პირობებში 2014 წლის 20 თებერვალს ბუდაპეშტში იმშობიარა. უნგრეთში სახლის პირობებში მშობიარობა 2011 წლიდან არის კანონით ნებადართული. სახლის პირობებში მშობიარობას ასევე არეგულირებს რეგულაცია ბებიაქალების შესახებ, რომელთაც უნდა ჰქონდეთ შესაბამისი ლიცენზია, სერტიფიკატი და სამედიცინო დაზღვევა სამედიცნო პრაქტიკის საწარმოებლად.

სახლის პირობებში მშობიარობა უნგრეთის ჯანდაცვის სისტემის მიერ  არ ნაზღაურდება და მას აქვს ფიქსირებული ფასი, რომელიც ფარავს ყველა მომსახურებას, რომელსაც დედობა საჭიროებს.

მშობლების თხოვნის შესაბამისად, ევროპის ფოტოსააგენტომ (EPA) ფოტოები ბავშვის დაბადებისთანავე არ გაავრცელა, ხოლო მშობლების სრული სახელი და ადგილის იდენტიფიკაციის შემცველი ინფორმაცია ასევე დაუზუსტებელი დატოვა. 

სახლის პირობებში მშობიარობა უნგრეთის გარდა ნებადართულია ავსტრალიაში 2007 წლიდან მთელი ფედერაციის ფარგლებში; კანადის რამდენიმე შტატში: კვებეკში, ონტარიოში, სასკაჩევანში, კოლუმბიაში, მანიტობსა და ალბერტაში სახლის პირობებში მშობიარობა ლეგალურია.

ბრიტანეთში სახლის პირობებში მშობიარობა კანონით განსაზღვრული არ არის, მაგრამ ფეხმძიმეს ვერავინ აიძულებს, რომ სამშობიაროში წავიდეს. ამასთანავე ჯანდაცვის ეროვნული სააგენტო სახლის პირობებში მშობიარობისას გარკვეულ მომსახურებას ანაზღაურებს.

სახლის პირობებში მშობიარობა ასევე ნებადართულია ამერიკის შეერთებული შტატების ზოგიერთ შტატში.