ამათგან, როგორც შსს–ში “ნეტგაზეთს” განუცხადეს, 8 მათგანს 166–ე მუხლი აქვს, რაც წვრილმან ხულიგნობას ითვალისწინებს; ერთს  166–ე და 45–ე მუხლები, რაც წვრილმანი ხულიგნობის გარდა ნარკოტიკული საშუალების გასაღების მიზნის გარეშე, მცირე ოდენობით უკანონოდ შეძენა ან შენახვას, ან მოხმარებას გულისხმობს; “ტაბულას” ფოტორეპორტიორს, ალექსანდრე გიორგაძეს კი 166–ე და 173–ე მუხლები აქვს, რაც წვრილმა ხულიგნობასა და პოლიციელის კანონიერი განკარგულებისადმი დაუმორჩილებლობას გულისხმობს.

პირველად სამართალდამცავებმა აქციის მონაწილე, გიგა მაქარაშვილი დააკავეს. შსს–ს განმარტებით, იგი ადმინისტრაციული წესით, 166–ე მუხლით არის დაკავებული, რაც ხულიგნობას გულისხმობს.

აქციის სხვა მონაწილეებმა გიგა მაქარაშვილის დაკავება მისსავე პლაკატზე არსებულ წარწერას დაუკავშირეს და სოლიდარობის ნიშნად მათაც იგივე წარწერა გააკეთეს თავიანთ პლაკატებზე. პოლიციელებმა მათ ამ წარწერების დამალვა მოთხოვეს, ამის შემდეგ პოლიციელებმა აქციის სხვა მონაწილეებიც დააკავეს. აქციის მონაწილეთა გარდა, დაკავებულთა შორის არის “ტაბულას” ფოტოჟურნალისტი ალქესანდრე გიორგაძეც.