NDI-ის განმარტებით, 2009 წლის შემდეგ პირველად ხდება, როდესაც იმ ადამიანების რაოდენობა აჭარბებს, რომლებიც ფიქრობენ, რომ ქვეყანა არასწორად ვითარდება.
გამოკითხულთა 45 პროცენტი აცხადებს, რომ ხელისუფლება მათთავის მნიშვნელოვან ცვლილებებს ახორციელებს, 50 პროცენტი კი ფიქრობს, რომ არა. ამასთან, გამოკითხულთა მხოლოდ 22 პროცენტი მიიჩნევს, რომ საპარლამენტო ოპოზიცია შეძლებდა ხელისუფლებაში ყოფნის შემთხვევაში მათთვის მნიშვნელოვანი ცვლილებების განხორციელებას, 56 პროცენტს მსგავსი მოლოდინი არ აქვს.
კვლევის მიხედვით, საქართველოს მოქალაქეების მხოლოდ 40 პროცენტია ოპტიმისტურად განწყობილი მომავალთან დაკავშირებით. გამოკითხულთა სწორედ 40 პროცენტი ვარაუდობს, რომ 2 წლის შემდეგ ვითარება უკეთესი იქნება, 42 პროცენტს ვითარების შეცვლის და გაუმჯობესების მოლოდინი არ აქვს.