შსს-ს საგანგებო სიტუაციების მართვის დეპარტამენტის თანამშრომლებმა დარიალის ხეობაში, საავტომობილო გზაზე, მეწყერის შედეგად ჩამოშლილი მიწის მასიდან დღეს მეორე სატვირთო ავტომანქანის ნაწილები ამოიტანეს.
დარიალის ხეობაში 17 მაისს მომხდარ სტიქიის შედეგად ამ დროისთვის დადასტურებულია 2 ადამიანის დაღუპვა. პირველი მათგანი უკრაინის მოქალაქეა, რომელიც თბილისში, საავადმყოფოში დაიღუპა 18 მაისს.
სამაშველო სამუშაოები ხეობაში გრძელდება. დარიალის ხეობაში 17 მაისს ჩამოწოლილი მეწყერის შედეგად თერგი დაგუბდა, ჩამოშლილი მასის ქვეშ მოექცა რამდენიმე სატვირთო ავტომანქანა, რომელთა ნაწილში, სავარუდოდ, ისხდნენ მძღოლები.