სწორედ საიას წარმომადგენლებსა და აჭარის პოლიციის უფროსს შორის 28 მარტს მომხდარი ინციდენტის გამოძიების საკითხთან დაკავშირებით უნდა გამართულიყო დღეს, 18:00 საათზე აჭარის ა/რ მთავრობის სახლთან საპროტესტო აქცია.
საიას აჭარის ოფისის თავმჯდომარის მოადგილემ, ნინო ტავლალაშვილმა გუშინ განაცხადა, რომ „ბათუმში მომხდარი ინციდენტის შესახებ შსს-ს გენინსპექციის დასკვნასთან დაკავშირებით საიას ბათუმის ფილიალი, არასამთავრობო ორგანიზაციები, მოქალაქეები, სტუდენტები ერთად გამართავენ საპროტესტო აქციას“.
გუშინ საღამოს ჯანმრთელობის გაუარესების გამო აჭარის პოლიციის უფროსი ვალერი თელია გადაყვანილი იქნა საავადმყოფოში, რაც გახდა დღევანდელი აქციის გადადების ძირითადი მიზეზი. თელია ამ დრომდე საავადმყოფოში რჩება.