ნეტგაზეთი | მიხეილ სააკაშვილი | გამოცდების ეროვნულმა ცენტრმა აბიტურიენტები შეცდომაში შეიყვანა

გამოცდების ეროვნულმა ცენტრმა აბიტურიენტები შეცდომაში შეიყვანა

მარიამ თოფურიძე

დღეს აბიტურიენტების ნაწილმა გრანტის შედეგების შესახებ შეიტყო, რომელიც, ეროვნული ცენტრის ცნობით, სიმართლეს არ შეესაბამება. აბიტურიენტთა ნაწილის პირად მონაცემთა ბაზაში 100%-იანი გრანტი დაფიქსირდა. ცენტრის ინფორმაციით, სახელმწიფო დაფინანსების შედეგები ჯერ ცნობილი არ არის. გრანტის პროცენტული მაჩვენებლების გამოქვეყნება კი მხოლოდ ვებგვერდის ვიზუალური შემოწმების მიზნით მოხდა.

შუადღისას აბიტურიენტთა ნაწილმა გამოცდების ეროვნული ცენტრის პირად მონაცემთა ბაზიდან გაიგეს, რომ 100%–იანი სახელმწიფო დაფინანსება მიიღეს, დაახლოებით 40 წუთში მონაცემთა ბაზიდან პროცენტული მაჩვენებელი გაქრა. ეროვნული ცენტრის საზოგადოებასთან ურთიერთობის სამსახურის ხელმძღვანელმა, მაია გაბუნიამ ”ნეტგაზეთთან” საუბარში განაცხადა, რომ გრანტის პროცენტული მაჩვენებლების გამოქვეყნება მხოლოდ ვებგვერდის ვიზუალური შემოწმების მიზნით მოხდა და სიმართლეს არ შეესაბამება.

”ჩვენ შევიტანეთ მონაცემთა ბაზაში მცდარი შედეგები, იმისათვის რომ შეგვემოწმებინა, იყო თუ არა ციფრები ხილვადი. მზადდებოდა გრაფები გრანტისათვის, ვებგვერდი კი გათიშული არ იყო. სამწუხაროდ, დაემთხვა ისე, რომ აბიტურიენტების ნაწილი სწორედ ამ დროს იმყოფებოდა ეროვნული ცენტრის ვებ გვერდზე”, - ამბობს გაბუნია.

,,ნეტგაზეთთან” საუბრის შემდეგ აბიტურიენტების პირად მონაცემთა ბაზაში არსებული საგრანტო შედეგები წაიშალა.

სახელმწიფო დაფინანსების შედეგებს აბიტურიენტები 10 სექტემბრისთვის, მეორადი განაცხადების გამოქვეყნების შემდეგ გაიგებენ.

მთავარი თემები
მაესტრო • ბიძინა ივანიშვილი • ადამიანის უფლებები • მიხეილ სააკაშვილი • Video • ფოტოგრაფების საქმე

2012-01-31 | განათლება დიმიტრი შაშკინი ადამიანის უფლებები

ბრძოლა განათლების უფლებისთვის

53–ე სკოლიდან გარიცხული მოსწავლის მშობელი სასამართლოში ჩივის და ბავშვის სკოლაში აღდგენას, ასევე, მისი შვილის მიმართ დაწყებული სისხლის სამართლის საქმის დახურვას მოითხოვს.

2012-01-27 | განათლება

პროტესტი ტექნიკური უნივერსიტეტის ბიუჯეტს

საქართველოს ტექნიკური უნივერსიტეტის სტუდენტთა ნაწილი უნივერსიტეტის 2011 წლის ბიუჯეტის ხარჯვით ნაწილთან დაკავშირებით პროტესტს გამოთქვამს.

2012-01-24 | განათლება განათლების რეფორმა დიმიტრი შაშკინი ადგილობრივი საქართველოს რეგიონები სამცხე–ჯავახეთი

რეპატრირებული მესხები სკოლის მიღმა რჩებიან

სამცხე-ჯავახეთში მცხოვრები 16 მესხი ბავშვი განათლებისა და მეცნიერების მინისტრის ბრძანების გამო შესაძლოა, სკოლის გარეთ დარჩეს.

წინა | შემდეგი

2012-02-03 | ჯანდაცვა

თანდაყოლილი ანომალიები - მსოფლიო პრობლემა

გენეტიკა, მშობელთა ასაკი, მშობლის სხვადასხვა დაავადება, გარკვეული მედიკამენტების მიღება, ნიკოტინის, ალკოჰოლის მოხმარება, - ეს ის ძირითადი ფაქტორებია, რომლებიც ახალშობილების თანდაყოლილი ანომალიების მიზეზი შეიძლება გახდეს.

2012-02-02 | განათლება

კერძო სკოლებმა საჯარო სკოლები მილიონად იყიდეს

სახელმწიფომ კერძო სკოლების ნაწილს საჯარო სკოლების ყოფილი შენობები 1 მილიონ ლარად აყიდინა. დახმარებისთვის კერძო სკოლების ნაწილი განათლებისა და მეცნიერების სამინისტროს მადლობას უხდის. უკმაყოფილებას კერძო სკოლების დირექტორების ნაწილი მხოლოდ პირად საუბარში გამოხატავს.

2012-02-04 | განათლება ადამიანის უფლებები რელიგია

უნდა გახდეს თუ არა სავალდებულო მართლმადიდებლური რელიგიის სწავლება? [video]

ქართველ ადვოკატთა ერთი ნაწილი მოითხოვს, საქართველოს საჯარო სკოლებში სავალდებულო გახდეს რელიგიის - მართლმადიდებლური ღვთისმეტყველების სწავლება. ადვოკატთა მოსაზრებით, რელიგიის სასწავლო პროგრამა სინოდმა უნდა შეიმუშაოს და პედაგოგებიც მართლმადიდებელი ეკლესიის წიაღში შეირჩნენ.