“მთავრობის მეთაურის ინიციატივით, 2015 წელს „აბრეშუმის გზის ფორუმის“ შექმნა იგეგმება, რომლის ფარგლებში, საქართველოში ყოველწლიურად, აბრეშუმის გზის მომავლით დაინტერესებული სახელმწიფოებისა და საერთაშორისო ორგანიზაციების მაღალი დონის შეხვედრები გაიმართება. ეკონომიკური საბჭოს სხდომაზე აბრეშუმის გზის პირველი ფორუმის მოსამზადებელ სამუშაოებზეც იმსჯელეს”, – აცხადებენ მთავრობის ადმინისტრაციაში.