თბილისის მერიის ზედამხედველობის საქალაქო სამსახურის უფროსის, გეგი ნიჟარაძის ინფორმაციით, მორიგი ინსპექტირების დროს ზედამხედველობის სამსახურის თანამშრომლებმა ლილოს დასახლებაში დააკავეს ორი მიკროავტობუსი, რომელსაც უკანონოდ მოჭრილი 5 კუბური მეტრის ოდენობის წიფლის დაჭრილი მორები გადაჰქონდა.
ასევე, მიკროავტობუსები დააკავეს ლისის ტბის დასახლებასა და გლდანში. მერიის ცნობით, 3 დეკემბრის ღამეს ინსპექტირებისას ზედამხედველობის სამსახურმა 13 კუბური მეტრის ოდენობის უკანონოდ მოჭრილი ხე-ტყე ამოიღო.
ავტომანქანის მძღოლები ადმინისტრაციული წესით – 500 ლარის ოდენობის ჯარიმით დაჯარიმდნენ, ხოლო უკანონოდ მოპოვებული ხე-ტყე ჩამოერთვათ და ის თბილისის მუნიციპალიტეტებს გადაეცემა.
