შსს-ს განცხადებით, ტურისტი ძლიერი ტკივილების გამო გადაადგილებას ვერ ახერხებდა. დაკარგული და დაშავებული ტურისტების ჩამოსაყვანად, შემთხვევის ადგილზე შსს-ს საგანგებო სიტუაციების მართვის სააგენტოს განსაკუთრებულ საგანგებო სიტუაციებზე რეაგირების სამმართველოს მესტიის მეორე სამთო-სამაშველო ქვეგანყოფილების 7-კაციანი და სასაზღვრო პოლიციის 6-კაციანი ჯგუფი ჩავიდა.
შსს-ს ცნობით, ნაპრალში ჩავარდნილ ტურისტს გადაადგილება არ შეეძლო, ამიტომ მაშველებმა დაახლოებით 10 კმ. ფეხით სავალ გზაზე ხელით ატარეს და სოფ. ბეჩომდე ჩამოიყვანეს, შემდეგ კი მესტიის საავადმყოფოში გადაიყვანეს.
