ვახტანგ ხმალაძის თქმით, გიორგი ხასაიამ პარლამენტის რეგლამენტი დაარღვია:

“ეს იყო პარლამენტის რეგლამენტის დარღვევა, რაც ამ პირმა გააკეთა. ერთი, რომ სიტყვის მოთხოვის გარეშე დაიწყო ლაპარაკი, დაიწყო ლაპარაკი იმ თემაზე, რომელიც არ ეხებოდა საერთოდ განსახილველ საკითხს. როდესაც მოვთხოვე გამოერთო მიკროფონი, მან არ გამორთო, არ გაჩუმდა და მე მოვიწვიე მანდატური, რათა გაეყვანა ეს პირი დარბაზიდან. მან დაარღვია წესრიგი.”

კითხვაზე, მოითხოვს თუ არა ის, რომ გიორგი ხასაიას ადმინისტრაციული წესით პასუხი აგებინონ, დეპუტატი პასუხობს:

“არა, მე არ დავაყენებ ამ საკითხს, არც დამიყენებია. დავატოვებინეთ სხდომის დარბაზი.”

კითხვაზე, თუ რას ფიქრობს პროტესტის საგანზე და ხდება თუ არა დეპუტატის მხრიდან მწერლის მარგინალიზაცია, ხმალაძე პასუხობს, რომ ყველაფერი წესისამებრ უნდა მოხდეს:

“მას რა უნდოდა ამ ყველაფრით ეთქვა, ეს ერთია, მაგრამ როცა გინდა რაღაც, ისე უნდა გააკეთო, როგორც წესი ადგენს და არა უწესოდ. რაიმე უწესობის გამოსწორება უწესობით არ შეიძლება, ვერც წესიერებას აღადგენ უწესობით. აი, ეს არის.”