ახალი ამბები

13 ივნისს სტიქიით დაზარალებულთა სასესხო ვალდებულებების დასაფარად საქართველოს ბანკი დამატებით თანხას გამოყოფს

20 ივლისი, 2015 • • 1007
13 ივნისს სტიქიით დაზარალებულთა სასესხო ვალდებულებების  დასაფარად საქართველოს ბანკი დამატებით თანხას გამოყოფს

მერიასთან ერთობლივი გადაწყვეტილებით აღნიშნული თანხა სრულად მოხმარდება სტიქიით დაზარალებული მოქალაქეების მუდმივი საცხოვრებლით უზრუნველყოფას.

 

საქართველოს ბანკმა ასევე მიიღო გადაწყვეტილება, სრულად ჩამოაწეროს ჯარიმა თბილისის მერიის მიერ მიწოდებულ სტიქიით დაზარალებულთა სიაში არსებულ ყველა მოქალაქეს, ვისაც ერიცხებოდა რაიმე საურავი დავალიანების გამო და ყველა დაზარალებულს მიცეს ერთწლიანი საშეღავათო პერიოდი, რომლის განმავლობაშიც მათ ვალდებულებებს არ დაერიცხებათ პროცენტი და არც ძირის დაფარვა მოეთხოვებათ.

 

ამასთან, საქართველოს ბანკი გამოყოფს დამატებით თანხებს, თბილისის მერიის მიერ მიწოდებული ოფიციალურად აღრიცხული სიის მიხედვით, დაზარალებულთა პირველ ორ კატეგორიაში მოხვედრილი მოქალაქეებისთვის (ვისი საცხოვრისიც აღარ არსებობს ან დაზიანებულია და არ ექვემდებარება აღდგენას) ვალის შემსუბუქების მიზნით. აქედან 107 მსესხებელს (65 ოჯახი) სრულად დაეფარებათ ბანკში არსებული სასესხო ვალდებულება.

 

საქართველოს ბანკი განაგრძობს სასესხო ვალდებულების შემსუბუქების გზების დამუშავებას სიის მიხედვით პირველი ორის შემდგომ კატეგორიაში მოხვედრილი მოქალაქეებისთვის.

საქართველოს ბანკი
საქართველოს ბანკი

მასალების გადაბეჭდვის წესი