შსს-ს განმარტებით, ერთი პირის დაკავება უკავშირდება პოლკოვნიკ ტრისტან წითელაშვილთან დაკავშირებულ ინციდენტს, რომელსაც საღებავები შეასხეს. ხოლო ორი პირი დაკავებულია არჩილ ჭყოიძესთან დაკავშირებით მომხდარი ინციდენტის გამო. კერძოდ, პრორუსული გაერთიანების, “ევრაზიული კავშირის” ერთ-ერთი ლიდერი არჩილ ჭყოიძე დღეს მივიდა ვაკის პარკში, სადაც მას სიტყვიერი და ფიზიკური შეურაცხყოფა მიაყენეს.
ერთ-ერთმა დაკავებულმა ჟურნალისტებს განუცხადა, რომ მან შეაგინა არჩილ ჭყოიძეს, რის შემდეგაც მოხდა ფიზიკური დაპირისპირებაც.
დაკავებულთაგან ერთ-ერთი გიორგი ჩინჩალაძეა, რომლის დაკავების ვიდეოც მოქალაქეებმა სოციალურ მედიაში გაავრცელეს:
დღეს, 9 მაისს ვაკის პარკში აღინიშნებოდა ფაშიზმზე გამარჯვების 70 წლისთავი, სადაც ელოდენენ რუსი ბაიკერების გამოჩენას, რომლებიც თბილისში გეორგიევსკის ლენტით გადაადგილდებიან. ისინი დღეს ვაკის პარკში არ გამოჩენილან, თუმცა მივიდნენ სხვა პრორუსული ძალების წარმომადგენლები და რამდენიმე ადამიანი ამავე ლენტით. იქ შეკრებილი მოქალაქეების ნაწილმა მათგან ამ ლენტების მოხსნა მოითხოვა, რასაც ასევე მოჰყვა დაპირისპირება.
ლენტის მოხსნის ნიადაგზე მომხდარი დაპირისპირების შედეგად მოხდა დღეს საზოგადოებრივი მაუწყებლის ყოფილი დირექტორის, გიორგი ჭანტურიას დაკავებაც.
![„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“](https://netgazeti.ge/wp-content/uploads/2023/05/charles.jpg "„გავლენას იქონიებს [გაწევრიანების] პროცესზე“ — შარლ მიშელი „რუსულ კანონზე“")
