განადგურებულ საშუალებებში შედის – 2013 წლის ივლისში შსს-ს ცენტრალური კრიმინალური პოლიციის დეპარტამენტის მიერ ახალციხის ტერიტორიაზე, ნინოწმინდის საბაჟო-გამშვები პუნქტის გავლით შემოსული სატვირთო ავტომანქანის ჩხრეკის შედეგად ამოღებული 116 კგ ჰეროინი, ასევე სხვადასხვა დროს, სხვადასხვა ადგილას ამოღებული 360 აბი „სუბუტექსი“, 4,57 გრ მეტადონი, 322 გრ ჰეროინი, 0,282 გრ კოკაინი, 19 კგ 500 გრ მარიხუანა და 15 კგ კანაფი.

შს სამინისტროს ინფორმაციით,  ნარკოტიკული და ფსიქოტროპული საშუალებები, რომლებზეც სასამართლოს შესაბამისი განაჩენი შესულია კანონიერ ძალაში, 3 თვეში ერთხელ ნადგურდება.

შსს-ს ცენტრალური კრიმინალური პოლიციის დეპარტამენტის და საექსპერტო-კრიმინალისტიკური მთავარი სამმართველოს თანამშრომლებთან ერთად, ნარკოტიკების განადგურების პროცესს მთავარი პროკურატურის, შრომის, ჯანმრთელობისა და სოციალური დაცვის სამინისტროს და მედიის წარმომადგენლები დაესწრნენ.