“საუბრის მთავარი თემა შეეხებოდა არსებით პაკეტს, რომელიც უელსის სამიტზე გადმოეცა საქართველოს, და მისი იმპლემენტაციის პროცესს. ნატოს შტაბბინა და ზოგადად, ბატონი აპატურაი, როგორც გენერალური მდივნის წარმომადგენელი, აქტიურად იქნება ჩართული იმპელმენტაციის გეგმის შემუშავებაში. ჩვენ გვექნება თავდაცვის მინისტერიალზე ნატო საქართველოს კომისიის სხდომა მომავალი წლის თებერვალში, სადაც იმედი მაქვს, რომ იმპელმენტაციის გეგმა საბოლოო სახით დამტკიცდება,”- აცხადებს საქართველოს თავდაცვის მინისტრი.
ჯეიმს აპატურაი საქართველოში დღეს ჩამოვიდა. მან უკვე გამართა შეხვედრა თავდაცვისა და ევროინტეგრაციის საკითხებში სახელმწიფო მინისტრთან. აპატურაის შეხვედრა დაგეგმილი აქვს ასევე პრემიერ მინისტრთან, ირაკლი ღარიბაშვილთან.
