ნეტგაზეთის წყაროს ინფორმაციით, შეთანხმების პროექტის თავდაცვის მუხლის რუსული ვერსია, სადაც საუბარი იყო იმის შესახებ, რომ სამხედრო აგრესიის შემთხვევაში, გაერთიანებული სამხედრო დაჯგუფების მეთაურს ნიშნავს რუსეთის მხარე, პარლამენტის შემუშავებულ პროექტში შეცვლილი იყო. 

 

მაშინ, როდესაც რუსული პროექტი გამოქვეყნდა, აფხაზეთში ქვეყნის დამოუკიდებლობისთვის საშიში ნაღმები დაინახეს. მათ შორის თავდაცვის სფეროშიც, სადაც ერთ-ერთ პუნქტში ნათქვამი იყო, რომ სწორედ რუსეთი ნიშნავდა ომის დროს გაერთიანებული სამხედრო დაჯგუფების მეთაურს. 

 

აფხაზეთის დეპუტატების დამუშავებული პროექტით, სამხედრო აგრესიის დროს ბრძანებას გასცემდა იმ ქვეყნის მთავარსარდალი, რომელსაც თავს დაესხნენ. 

 

13 ოქტომბერს აფხაზმა პარლამენტარებმა პრეზიდენტის ადმინისტრაციისგან რუსეთსა და აფხაზეთს შორის “მოკავშირეობისა და ინტეგრაციის” ახალი შეთანხმების პროექტი მიიღეს. 

 

სართველოს ხელისუფლებაში აღნიშნული შეთანხმების გაფორმების საკითხი რუსეთის მიერ აფხაზეთის ანექსიად ფასდება. რუსეთის მხრიდან აფხაზეთის ანექსიის ახალი საფრთხის გაჩენის გამო საქართველოს რეფორმების ასოციაცია (GRASS) მთავრობას ანტიანექსიური სტრატეგიის შემუშავებას სთავაზობს. 

	მასალა მომზადებულია პროექტ “სამხრეთ კავკასიის ამბების” ფარგლებში ჰაინრიჰ ბიოლის ფონდის მხარდაჭერით. პროექტის ფარგლებში მომზადებული ტექსტები შეიცავს იმ ტერმინოლოგიას, რომელიც აფხაზეთის, სამხრეთ ოსეთის და მთიანი ყარაბაღის თვითაღიარებულ რესპუბლიკებში გამოიყენება. მასალებში გამოთქმული მოსაზრებები შესაძლოა არ ემთხვეოდეს ჰაინრიჰ ბიოლის ფონდის და ნეტგაზეთის პოზიციას.