ადგილობრივ მოსახლეობასთან შესახვედრად პანკისის ხეობაში სახალხო დამცველი და “ლაფანყურის სპეცოპერაციის ფაქტების დამდგენი საზოგადოებრივი კომისიის” წევრები ჩავლენ.
ლოპოტის ხეობაში, სოფელ ლაფანყურთან, ჩატარებული სპეოპერაციის შედეგად გარდაიცვალა 3 ქართველი სპეცრაზმელი და 7 ქისტი და ჩეჩენი მებრძოლი. შემთხვევა 2012 წლის 28-29 აგვისტოს მოხდა.
“სპეცოპერაციიდან 2 წელი გავიდა და გამოძიების შედეგები საზოგადოებისთვის უცნობია. გარდაცვლილთა ოჯახის წევრები უკმაყოფილო არიან გამოძიების გაჭიანურებით და ითხოვენ დროულ და ობიექტურ გამოძიებას”, – აღნიშნულია სახალხო დამცველის მიერ გავრცელებულ ინფორმაციაში.