სურსათის ეროვნული სააგენტოს განცხადებით, დოკუმენტური შემოწმებისას დადგინდა, რომ 4 საშაურმე ბიზნესოპერატორად რეგისტრაციის გარეშე ფუნქციონირებდა, რის გამოც 2 მათგანი 500 ლარით დაჯარიმდა საქართველოს კანონის “სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის” 64-ე მუხლის 1 ნაწილის შესაბამისად, 2 კი – დაკეტილი აღმოჩნდა.
დოკუმენტაციის შესწავლის გარდა, მიმდინარეობს მათი ლაბორატორიული შემოწმება. სააგენტოს ცნობით, სახელმწიფო კონტროლი უკვე ჩატარდა 45 საწარმოში, საიდანაც აღებულია 8 ნიმუში ლაბორატორიული კვლევისთვის. ამ ეტაპისთვის გეგმური ინსპექტირებისთვის შეფასებულია 23 საშუარმე.
სურსათი სააგენტოს განცხადებით, შაურმის ნიმუშების ლაბორატორიული კვლევის შედეგები უახლოეს რამდენიმე დღეში გახდება ცნობილი.