საქართველოს მთავრობის 2014 წლის 4 აგვისტოს განკარგულებით, რომელსაც ხელს პრემიერი ირაკლი ღარიბაშვილი აწერს, საქართველოს პრეზიდენტს ნიდერლანდების სამეფოში საქართველოს საგანგებო და სრულუფლებიანი ელჩის თანამდებობაზე კონსტანტინე სურგულაძის კანდიდატურა წარედგინა.
სურგულაძე დიასპორის საკითხებში სახელმწიფო მინისტრის თანამდებობიდან პრემიერმა 21 ივლისს გადააყენა სხვა 6 მინისტრთან ერთად. მათგან სამი – სხვა სამინისტროებში იქნა გადაყვანილი. კულტურის ყოფილი მინისტრი გურამ ოდიშარია კი პრემიერის მრჩევლად დაინიშნა კონფლიქტის ზონაში არსებულ პრობლემებთან დაკავშირებით. ჯერ უცნობია, სად გააგრძელებს საქმიანობას კიდევ სამი გადაყენებული მინისტრი – დავით დარახველიძე, შალვა ფიფია და ხათუნა გოგალაძე.