ცენტრალურმა საარჩევნო კომისიამ 2014 წლის თვითმმართველობის არჩევნებისთვის კანონით დადგენილ ვადებში დამკვირვებელთა და მედიაორგანიზაციების რეგისტრაცია/აკრედიტაცია დაასრულა. 15 ივნისის არჩევნებს ცესკოში რეგისტრირებული 59 ადგილობრივი სადამკვირვებლო ორგანიზაცია დააკვირდება, მათ მიერ წარმოდგენილ დამკვირვებელთა რიცხვი 15,990-ს შეადგენს.
ცსკოს ცნობით, საერთაშორისო ორგანიზაციებს შორის რეგისტრირებულია 32 საერთაშორისო ორგანიზაციის მიერ წარმოდგენილი 561 დამკვირვებელი. თვითმმართველობის არჩევნებს 75 საერთაშორისო და ადგილობრივი მედიაორგანიზაციის 1059 აკრედიტებული წარმომადგენელი აშუქებს.
დეტალური ინფორმაცია რეგისტრირებული/აკრედიტებული ორგანიზაციების შესახებ იხილეთ ბმულზე.