ამ დროისათვის აღნიშნული გზის მონაკვეთზე ასფალტ-ბეტონის საფარის განახლება მიმდინაროებს. პროექტის ფარგლებში დაგეგმილია ხელოვნური ნაგებობების, რკინა–ბეტონის მილების, კიუვეტების, მიერთებების, ეზოებში შესასვლელების, საგზაო ნიშნებისა და ავტობუსების გაჩერებების მოწყობა.
საავტომობილო გზა „ქუთაისი–საფიჩხია–ჭოგნარი“ აკავშირებს ქუთაისსა და ქუთაისის შემოვლით გზას, მიმდებარე სოფლებს, ასევე, გზა უკავშირდება ბაგრატის ტაძარსა და გელათის მონასტერს.
“რეაბილიტირებული გზა ქუთაისის მოსახლეობისა და ტურისტებისთვის მგზავრობას კომფორტულს და უსაფრთხოს გახდის”, – აცხადებენ საავტომობილო გზების დეპარტამენტში.
სარეაბილიტაციო სამუშაოებს სახელმწიფოს დაფინანსებით შპს „საქმილსადენმშენი“ ასრულებს. პროექტის ღირებულება 3 018 000 ლარია. სარეაბილიტაციო სამუშაოები 2 თვეში დასრულდება.
