“ბათუმთან ახლოს, თხილნარში ვცხოვრობ. შვილიშვილები კრეფენ ყვავილებს, მე ყოველ დილით ბათუმში მომაქვს და ვყიდი, 40 – 50 თეთრად. ვისაც რამდენი აქვს იმდენს მაძლევს. 21 წლის ვიყავი რომ გავთხოვდი. ერთი ქალიშვილი და ხუთი შვილიშვილი მყავს. მეუღლე დიდი ხანია გარდამეცვალა. ასეა, სიყვარული ფრინველივითაა, მოფრინდება და გაფრინდება – უნდა მოასწრო. ბედნიერი ვარ იმით რომ შვილი და შვილიშვილები მყავს.
ვოცნებობ რომ ქვეყანა გაძლიერდეს და ადამიანებმა კარგად იცხოვრონ”.
© Project „Humans of Georgia“
2014