“სამწუხაროდ, ვერ დავდასტურებ, რომ რუსეთი ჯარებს უკან იწვევს. ეს არ არის ის, რასაც ჩვენ ვხედავთ. მასშტაბური სამხედრო მობილიზაცია სიტუაციის დეესკლაციაზე დადებითად ვერ იმოქმედებს”, – განაცხადა რასმუსენმა ბრიუსელში, სადაც ნატოს საგარეო საქმეთა მინისტრების შეხვედრა დაიწყო.
გერმანიის კანცლერის ოფისმა ორშაბათს გაავრცელა ინფორმაცია იმის თაობაზე, რომ ვლადიმირ პუტინი ანგელა მერკელს უკრაინის საზღვრის მიმდებარე ტერიტორიიდან ჯარების გაყვანას დაპირდა.
