კომპანიის წარმომადგენლის, ლევან ელიზბარაშვილის განცხადებით, დაინიშნა დამატებითი რეისი, რომელიც 30 სექტემბერს, დილის 3 საათსა და 30 წუთზე შესრულდება:
“4 საათსა და 40 წუთზე იყო დაგეგმილი რეისი, დღეს გამთენისას, 29 სექტემბერს. ტექნიკური გაუმართაობის გამო რეისი ვერ შესრულდა და მგზავრთა უსაფრთხოებიდან გამომდინარე რეისი გაუქმდა. დაინიშნა ახალი რეისი, რომელიც გამთენისას, 3 საათზე სპეციალურად ამ ხალხისთვის შესრულდება და ეს მგზავრები გადაყვანილი იქნებიან მათ მიერ არჩეულ მიმართულებებზე”- განაცხადა ლევან ელიზბარაშვილმა, ავიაკომპანია “პეგასუს ეარლაინსის” გენერალური სავაჭრო წარმომადგენლობის ხელმძღვანელმა.
ბორტზე მყოფი მგზავრების განცხადებით, პილოტმა 2-ჯერ სცადა აფრენა, თუმცა უშედეგოდ, მოგვიანებით კი მგზავრებს ბორტის დატოვება მოსთხოვეს:
” ბორტზე აგვიყვანეს, დაიძრა თვითმფრინავი, შემდეგ გაჩერდა. ვიდექით 40 წუთი, ამის შემდეგ გვითხრეს, რომ ტექნიური გაუმართაობაა, მერე გვითხრეს, რომ ბენზინს ასხამდნენ, რასაც 2 საათი დასჭირდა, 04:40-ზე უნდა გავფრენილიყავით და 06:40-ზე ისევ ბორტზე ვიყავით”- განაცხადა ერთ- ერთმა მგზავრმა.
კომპანიის განცხადებით, რეისი 23 საათის დაგვინებით, 30 სექტემბერს, 03:30 წუთზე შესრულდება.