ივანიშვილმა ქვემო ქართლში “ქართული ოცნების” მაჟორიტარები წარადგინა
ბიძინა ივანიშვილი,კოალიცია „ქართული ოცნების“ ლიდერმა ბიძინა ივანიშვილმა დღეს, 9 ივლისს წალკაში, პოლიტიკური კოალიცია „ქართული ოცნების“ ოფისის გახსნაზე ქვემო ქართლის მაჟორიტარი დეპუტატობის კანდიდატები წარადგინა.
თეთრიწყაროს რაიონში კოალიცია “ქართული ოცნების” მაჟორიტარად მამუკა აბულაძე დაასახელეს, წალკაში - აიკ მელტოიანი, გარდაბანში - მამუკა არეშიძე, ბოლნისში - დარეჯან ჩხეტიანი, რუსთავში - ზვიად ძიძიგური, ხოლო დმანისში - პაატა ხიზანიშვილი.
დღეიდან წალკაში პოლიტიკური კოალიცია „ქართული ოცნების“ ოფისიც ამოქმედდა. პრეზენტაციას კოალიციის ლიდერი ბიძინა ივანიშვილი დაესწრო. მან მხარდამჭერებს საარჩევნო პროგრამის პრიორიტეტები გააცნო.
კომენტარი