საქართველოს გარემოს დაცვისა და ბუნებრივი რესურსების სამინისტროს ინფორმაციით, მინისტრმა გოგახაჩიძემ, დაცული ტერიტორიების სააგენტოს თავმჯდომარე გიორგი შონვაძემ და კავკასიის ბუნების ფონდის(CNF) აღმასრულებელმა დირექტორმა, დევიდ მორისონმა საგრანტო ხელშეკრულებას მოეწერეს ხელი.
გარემოს დაცვის სამინისტროსა და “კავკასიის ბუნების ფონდს” (CNF) შორის გაფორმებული შეთანხმების მიხედვით, ლაგოდეხის ნაკრძალის მხარდასაჭერად 2011-2013 წლებისთვის CNF-ი 270 000 ევროს ოდენობის დაფინანსებას გამოყოფს. აღნიშნული თანხა, სამინისტროს ინფორმაციით, ნაკრძალის მოვლას და მიმდინარე ხარჯების დაფარვას მოხმარდება.
კავკასიის ბუნების ფონდის აღმასრულებელი დირექტორის, დევიდ მორისონის განცხადებით, საერთაშორისო და ადგილობრივი კერძო ფონდები მნიშვნელოვან დაფინანასებას გამოყოფენ, ვინაიდან საქართველოს ბუნება საგანძურია არა მარტო საქართველოსთვის, არამედ მთელი მსოფლიოსთვის.
